|
Samningur um þátttöku í landshlutaverkefni í skógrækt samkvæmt lögum nr. 95/2006 um landshlutaverkefni í skógrækt
Samningur um þátttöku í landshlutaverkefni í skógrækt samkvæmt lögum nr. 95/2006 um landshlutaverkefni í skógrækt.
Skjólskógar á Vestfjörðum kt. 630200-3770, skv. lögum nr. 95/2006, Aðalstræti 12, 470 Þingeyri og xxxx. kt. xxx skógarbóndi gera með sér svofelldan samning um nytjaskógrækt á lögbýlinu xxx (landnr. xxxx) með eftirfarandi skilmálum og takmörkunum.
1. gr. Skógarbóndi skuldbindur sig til að taka til nytjaskógræktar x ha. lands. Samningi þessum fylgir kort er sýnir afmörkun hins umsamda svæðis. Á landinu verður stunduð nytjaskógrækt. Skógurinn er eign landeigenda og ber að haga meðferð skógarins samkvæmt samningi þessum og eftir leiðbeiningum ...skóga.
2. gr. Skjólskógar skulu hafa eftirlit með að allar framkvæmdir séu unnar samkvæmt landshlutaáætlun í skógrækt sbr. 4. gr. laga nr. 95/2006. Skjólskógar skulu vinna skógræktaráætlun í samráði við skógarbónda. Henni skal fylgja verklýsing á hverjum verkþætti, s.s. jarðvinnslu, slóðagerð, gróðursetningu og áburðargjöf. Heimilt er að áfangaskipta verkefnum á skógræktarsvæðinu og fer það eftir samkomulagi skógarbónda og ...skóga hversu mikið land er tekið til skógræktar í hverjum áfanga. Samningsaðilar geta, ef aðstæður breytast, t.d. við fjárlagagerð, farið fram á endurskoðun skógræktaráætlunar, m.a. um framkvæmdahraða. Skjólskógar skulu gera gæðaúttektir á plöntum sem keyptar eru í plöntustöðvum og ráðstafað er til skógarbænda. Skjólskógar veita leiðbeiningar varðandi tilhögun og frágang allra verka og ber skógarbónda að fara eftir þeim.
3. gr. Að loknum framkvæmdum vor og haust skal skógarbóndi skila framkvæmdaskráningu til Skjólskóga. Fjárhagslegt uppgjör til skógarbónda vegna skógræktarframkvæmda hvers árs er háð skilum á framkvæmdaskráningu á formi sem ...skógar leggja til. Uppgjörið skal fara fram eins fljótt og unnt er og ekki síðar en þremur mánuðum eftir að skógarbóndi lagði fram fullnægjandi framkvæmdaskráningu. ...skógar skulu framkvæma úttekt á unnum verkum í samráði við skógarbónda eftir þörfum hverju sinni. Við úttektina skulu framkvæmdir yfirfarnar og skráðar samkvæmt úttektarkerfi sem í gildi er hjá ...skógum hverju sinni. Sé framkvæmdum að einhverju leyti áfátt skal gefa skógarbónda tækifæri til að hlutast til um úrbætur ef þess er kostur. Halda má eftir greiðslum meðan á úrbótum stendur. Ekki skal greitt fyrir framkvæmdir sem ekki eru inntar af hendi.
4. gr. Skjólskógar greiða allt að 97% af kostnaði við fyrirfram samþykktar framkvæmdir í samræmi við skógræktaráætlun á lögbýlinu. Til kostnaðar teljast eftirfarandi framkvæmdir: a) varsla skógræktarlands, b) slóðagerð, d) jarðvinnsla, e) plöntukaup, f) gróðursetning, g) áburðargjöf, h) umhirða og grisjun á samningstímanum, i) skjólbeltagerð, j) aðrar sambærilegar framkvæmdir sem einnig eru tilgreindar í skógræktaráætlun.
5. gr. Skógarbóndi sér um vörslu skógræktarlandsins samkvæmt reglum Skjólskóga þar um.
6. gr. Bannað er að leggja eld í skógræktarlandið eða brenna þar sinu. Þar er einnig óheimilt að beita búfé. Skjólskógum er þó heimilt að veita undanþágu frá þessu ákvæði ef sérstakar ástæður mæla með, t.d. við nýtingu beitarskóga og þá eftir þar til gerðri beitaráætlun.
7. gr. Skógarbónda er heimilt að fengnu samþykki Skjólskóga að nýta hið samningsbundna land einnig til annarra nota enda stafi skógræktarframkvæmdum ekki hætta af nýtingunni.
8. gr. Skógarbónda er með öllu óheimilt að ráðstafa plöntum eða trjám sem samningur þessi tekur til nema með samþykki Skjólskóga.
9. gr. Óski skógarbóndi eða landeigandi eftir því að losa land í heild eða að hluta til undan kvöðum samkvæmt samningi þessum áður en samningstíma er lokið skal hann endurgreiða framlög ásamt verðbótum samkvæmt vísitölu neysluverðs. Endurgreiðslufjárhæðin lækkar hlutfallslega út samningstímann og fyrnist um 2,5% á almanaksári, hafi samningur verið virkur í a.m.k. 10 ár, og fellur skuldin niður eftir 40 ár. Framlög sem veitt eru síðustu 10 ár fyrir uppsögn fyrnast þó ekki. Óski stjórn Skjólskóga eftir því að losna undan skuldbindingum samnings þessa skal skógarbónda og landeiganda tilkynnt um það með sannanlegum hætti. Uppsögn samkvæmt þessari málsgrein skal tilkynnt fyrir 1. október og tekur gildi frá og með næstu áramótum. Ekki skal endurgreiða samningsbundin framlög vegna uppsagnar samkvæmt þessari málsgrein. 10. gr. Komi til verulegra vanefnda á samningi þessum og/eða skógræktaráætlun af hálfu Skjólskóga er skógarbónda heimilt að rifta samningnum að hluta til eða í heild. Skógarbóndi og/eða landeigandi á ekki rétt á skaðabótum kjósi hann að rifta samningum. Komi til verulegra vanefnda af hálfu skógarbónda á skyldum hans samkvæmt samningi þessum og/eða skógræktaráætlun ber samningsaðilum að leita leiða til úrbóta. Til verulegra vanefnda telst t.d. ef skógarbóndi skýrir rangt frá staðreyndum sem máli skipta eða vanefnir að öðru leyti skyldur sínar ítrekað, eða í veigamiklum atriðum. Ef skógarbóndi grípur ekki til úrbóta að liðnum tímabundnum fresti sem Skjólskógar setja honum, þá er Skjólskógum heimilt að rifta samningnum og krefjast endurgreiðslu framlaga af skógarbónda. Um endurgreiðslu skal þá fara skv. 1. mgr. 9. gr. þessa samnings. Áður en tekin er ákvörðun um riftun skal skógarbónda gefinn kostur á að koma sjónarmiðum sínum skriflega á framfæri. Ákvörðun um riftun skal rökstudd og má skjóta henni til ráðherra innan 30 daga frá því að hún var kynnt hlutaðeigandi. Kæra frestar því að ákvörðun verði virk. Ef landeigandi er ekki jafnframt skógarbóndi skal upplýsa landeiganda um slíkar vanefndir skógarbónda.
11. gr. Skógarbóndi samkvæmt samningi þessum getur sótt um skráningu á virðisaukaskattsskrá skv. 6. gr. reglugerðar nr. 515/1996 um skráningu virðisaukaskattskyldra aðila. Ákvörðunarvald um skráningu er í höndum Ríkisskattstjóra, sem metur hvort skilyrði til skráningar hafa verið uppfyllt. Á grundvelli þeirrar skráningar getur skógarbóndi fengið virðisaukaskatt, af aðföngum er eingöngu varða umsamda nytjaskógrækt, endurgreiddan í formi innskatts með þeim takmörkunum sem leiða af lögum nr. 50/1988, um virðisaukaskatt og reglugerð nr. 192/1993, um innskatt. Verði breyting á notum, eignarheimild eða afnotarétti umsamins lands til nytjaskógræktar, ber skógarbónda að tilkynna ríkisskattstjóra þar um áður en not breytast eða þinglýst er eignarheimild eða leigusamningi. Skógarbónda sem hættir nytjaskógrækt, og tilkynnir sig af þeim sökum út af virðisaukaskattsskrá eða er tekinn af grunnskrá á grundvelli úrskurðar Ríkisskattstjóra, ber að telja til skattskyldrar veltu verðmæti véla, tækja og annarra rekstrarfjármuna. Miða ber verðmæti (skattverð) við almennt gangverð þegar starfsemi er hætt. Innskatt vegna framkvæmda á fasteignum, sem falla undir 2. tölul. 1. mgr. 12. gr reglugerðar nr. 192/1993, ber hins vegar að leiðrétta (bakfæra) í samræmi við ákvæði 14. gr. sömu reglugerðar, ef fasteign er seld, leigð eða tekin til annarra nota þar sem ekki heimilast innskattsfrádráttur eða minni innskattsfrádráttur. Leiðréttingarskyldan varir í 20 ár, talið frá og með þeim mánuði þegar framkvæmt var. Grein þessi er háð breytingum á viðkomandi lögum og reglugerðum.
12. gr. Um almannarétt, umgengni og útivist fer skv. III kafla laga um náttúruvernd nr. 44/1999. Ákvæði þessa samnings taka til alls skógræktarsvæðisins, sbr. 1. gr. Samningur þessi gildir til 40 ára. Að öðru leyti en greinir í samningi þessum fer um ræktun og meðferð skógarins á landinu eftir skógræktarlögum og öðrum lögum eftir því sem við á. Í samningi þessum og fylgiskjölum hans er fylgt leiðsögn skógarbónda varðandi ytri mörk skógræktarlandsins og ekki er tekin afstaða til landamerkja jarðarinnar.
13. gr. Segi skógarbóndi, sem ekki er jafnframt landeigandi, upp ábúð sinni gagnvart landeiganda eða landeigandi segir skógarbónda upp ábúð vegna vanefnda ábúandans, sbr. 34.-37. gr. ábúðarlaga nr. 80/2004, fer um uppgjör þeirra á milli (úttekt) vegna skógræktarinnar skv. 2. mgr. 38. gr. og 5. mgr. 41. gr. ábúðarlaga nr. 80/2004.
14. gr. Af samningi þessum eru gerð þrjú samhljóða frumrit og heldur skógarbóndi einu. Afrit af samningnum skal senda til viðkomandi sveitarfélags og til landeiganda, ef hann er ekki jafnframt skógarbóndi. Samningi þessum skal þinglýst sem kvöð á jörðina ... er skuldbindur landeiganda og þá sem síðar kunna að öðlast réttindi yfir jörðinni, þ.m.t. leigurétt. ...skógar annast þinglýsingu og greiða kostnað sem af henni leiðir. ...skógar senda skógarbónda ljósrit af þinglýstum samningi. Rísi mál út af samningi þessum skal það rekið fyrir dómþingi Héraðsdóms xxx nema samkomulag verði um annað.
___________________________________ _____________________________________ Staður dags. Staður dags.
___________________________________ _____________________________________ F.h. ....skóga Skógarbóndi skv. samningi þessum
_____________________________________ Skógarbóndi skv. samningi þessum
Vitundarvottar: Vitundarvottar:
___________________________________ _____________________________________ Nafn kt. Nafn kt.
___________________________________ _____________________________________ Nafn kt. Nafn kt.
Samþykki jarðareiganda, sé hann ekki jafnframt skógarbóndi samkvæmt samningi þessum
_____________________________________ Staður dags.
_____________________________________ Eigandi jarðar
Vitundarvottar:
_____________________________________ Nafn kt.
_____________________________________ Nafn kt.
|